زادت الرسائل الرومانسية بين الفنان تامر حسني وطليقته بسمة بوسيل، وذلك بعد تداول رسائل أخرى اعتبر متابعون أن الثنائي يتراشق بالتصريحات.

وخلال الأيام الماضية نشر تامر حسني رسالة لطليقته بسمة بوسيل أكد فيها على أن ما يغنيه لا علاقة له بها وأنه لم ولن يسيء لها تحت أي ظرف وهو ما جعل البعض يظن أن هناك بوادر لعودتهما مرة أخرى.

رسالة تامر حسني لبسمة بوسيل

وفي آخر رسائله كتب تامر حسني: “ملاحظ إن فيه بعض التعليقات كل أما أنزل موضوع أغنية أو هزار معاكم بعض الناس بيربطوه بحياتي الشخصية.. أولًا مش أنا اللي ممكن أعمل كده ورغم الظروف الحالية، مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عينيا مش هتأخر”.

وأضاف: “تاني حاجة أنا بحب أهزر معاكم دايمًا من يوم طلوعي لو فيه أغنية أو نكتة حلوة أو إفيه حضر في دماغي أنا على طبيعتي معاكم.. ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغاني بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا، ده لسة في أغاني توجع أوي نازلة قريب إن شاء الله.. كده مش هنزلها”.

تفاعلت بسمة بوسيل مع رسالة تامر حسني وأعادت نشرها بتعليق: “يا تيمو أنت كمان عندي زي ما انا عندك، ربنا يوفقك في شغلك دايمًا”

تم نشر هذا المقال على موقع ليالينا