نشر حسن شاكوش مقطع فيديو رد فيه على تصريحات طليقته ريم طارق ووجه رسالة إلى سيدات مصر. إليك تفاصيل رسالة نجم المهرجانات المصري.

رد حسن شاكوش على طليقته

وقال حسن شاكوش: “انتوا عارفين المشكلة اللي كانت بيني وبين الإنسانة اللي كانت مراتي، وأنا طالع علشان أرد بعد سكوتس الفترة اللي فاتت، وفي أول المشكلة أنا نزلت بوست على صفحتي واتكلمت قلت يستحيل إن أنا أطلع اتكلم على واحدة كانت في يوم مراتي! أو حتى مش مراتي، أنا عمري ما جيبت سيرة بنت ولا غلطت في حق بنت لإن أنا عارف يعني إيه المرأة المصرية وعارف يعني إيه شرف المرأة المصرية زي ما الست المصرية لها شرف وكرامة برضه الراجل المصري له شرف وكرامة وسمعته، وانتوا عارفين شغلنا كله بيعتمد على سمعتنا”.

وأضاف: “أنا من منطقة شعبية وراجل صعيدي أنا سكت الفترة اللي فاتت دي كلها علشان الإنسانة دي كنت مراتي وأنا مكانش ينفع أطلع وأتكلم في أي حاجة تمسني أو تمسها لأن في الأول وفي الآخر أنتوا عارفين إني لو اتكلمت أو جيبت سيرتها تعيب عليا لأن أنا كنت في يوم من الأيام راجلها وجوزها فاللي إحنا تعودنا عليه ما ينفعش راجل يجيب سيرة مراته في أي حاجة”.

 وتابع: “رغم كل ده والألفاظ البشعة والتعليقات والحاجات اللي كانت بتتبعت لي وأهلي اللي اتشتمو على السوشيال ميديا كلها ماتكلمناش في حاجة وأنا كنت بقولهم محدش يتكلم لدرجة إن أنا كل ده وطول الفترة دي أنا في ضغط عصبي برغم إني بنزل شغلي وفي عز برضه الضغوطات وفي عز كل المشاكل دي أنا برضه ما طلعتش اتكلمت.. أنا طالع يا جماعة علشان أوضح المعلومة إن أنا خلاص.. أنا ليا حق الرد”.

 واختتم حديثه قائلاً: “زي ما بنحترم الست المصرية لازم برضه يحترمونا الراجل برضه عنده شرف وكرامة.. أنا طلعت اتكلمت علشان كفاية كدة.. اللي كنت عايز أتكلم فيه ومنعت برامج مصر كلها ما رضيتش أتكلم.. يستحيل.. الكلام اللي الواحد سمعه ما يرضيش ربنا! متشكرين يا جماعة ويا ريت محدش يسمع حاجة غير من الطرفين.. وبتأسف لكل ست مصرية على راسي من فوق”.

تم نشر هذا المقال على موقع ليالينا